ٽٻڻو ( وڏو چوٽير)، گريب

48 سينٽي ميٽر (19 انچ) جسامت جي هن پکيءَ جا نر ماد هڪجهڙا ٿين ٿا. اکيون ڳاڙهيون، مٿي تي ڪارسري چوٽي ۽ اونهاري ۾ جيڪا ان جي لڳ جي مند به آهي، ڪنن وٽ ۽ ڳچيءَ جي چوڌاري اکروٽي کنڀن جا ڊگها مُچا ٿيندا آهن.

سياري ۾ ، هن وڏي چوڦير ٽُٻڻي جي پُٺي ڪارسري ناسي، پيٽ اڇو، اڇا ڳل ۽ اڇي رنگ جي ڊگهي ڳچي ٿيندي آهي. چهنب مضبوط سنهي ڊگهي ۽ خنجر وانگر نوڪدار هوندي اٿس.

هي بنيادي طرح يوريشيائي پکي آهي پر ڏکڻ آفريڪا ۽ آسٽريليا ۾ به ٿئي ٿو. مڇي، جيت ۽ ٻيا آبي جانور کائيندو آهي. تانگهي پاڻيءَ تي ترندڙ گاهه جو ڍير يا پاڻيءَ جي ٻوٽن تي آکيرو هوندو اٿس، جنهن ۾ مادي ٻه ٽي آنا ڏئي ٿي. ھي ماحول : 7 جو پکي آھي.