ابڙو اڪيڊمي Abro Academy
2020-07-19
داخلا نمبر 559
عنوان جھرڪي
شاخ پکي
پڙهيو ويو 415
داخلا جو حوالو:
جھرڪي
جھرڪي
15 سينٽي ميٽر (6 انچ) جسامت واري ھن ننڍڙي پکيءَ جا نر ماد مختلف رنگن جا ٿين ٿا. گاھير علائقن ۽ وڻن ۾ رھي ٿو. عام طور لڏپلاڻ نٿو ڪري . ھي بنيادي طرح ٻج خور پکي آھي پر جيت ۽ ڪينئان به کائي ٿو. جيئن ته انسانن جي ويجھو رھي ٿو ، انڪري انساني ماحول ۾ موجود ھر شئ کائي ٿو. ميوو ۽ بورچيخاني مان ٽُڪر ڀور به کڻي ٿو. ان جو آکيرو بي ترتيب گاھه ۽ ڪکن پنن جو ٿئي ٿو. اڪثر عمارتن، ڳڙکن، درين ۽ کوکن ۾ آکيرو ٺاھي ٿو. اصل يوريشيائي پکي آھي پر ھاڻي آفريڪا ۽ آمريڪا ۾ به متعارف ڪيو ويو آھي.
نَر جو رنگ مٿان اکروٽي ڳاڙھو ٿئي ٿو جنھن تي گھرا کنڀ به ھوندا آھن. چھنب ڪاري، مٿو سرمائي، ڳچي گــھري سرمائي ڪاري ۽ اڇڙو ڪالر ھوندو اٿس. پيٽ جا کنڀ ھلڪا ميرانجھڙا ٿينس ٿا. ماديءَ جي پٺي ڀُوري ۽ ناسي دڳڙ دڳڙ ھوندي آھي.