ابڙو اڪيڊمي Abro Academy
2020-07-22
داخلا نمبر 645
عنوان آڙي
شاخ پکي
پڙهيو ويو 376
داخلا جو حوالو:
آڙي
40 سينٽي ميٽر جسامت واري هن آبي پکيءَ جا نر ماد هڪجهڙا ٿين ٿا. سڄو بُت ڪارو، چهنب ۽ پيشانيءَ تي اڇي چپتري پاپڙي ٿئيس ٿي. هيءَ بدڪ نه آهي پر پاڻيءَ ۾ ترندي رهي ٿي. آڙيءَ کي پاسن کان ويڪريون هم سطح پاپڙيون آهن ۽ پير ڪونگ کان وڌيڪ سڌا ۽ ڪارگر ھوندا آهن. آڙي جڏهن پاڻيءَ تان اڏامندي آهي تڏھن ان کي هوا جي ڪلهن تي چڱي طرح سان سوار ٿيڻ تائين پاڻيءَ تي پير هڻي ڊوڙڻو پوندو آهي. پر پوءِ ان جي اڏار ڏاڍي سٺي هوندي آهي. آڙي اڪثر کليل پاڻي تي ايندي آھي ۽ سياري ۾ وڏا ولر ٺاهي رھندي ٿي.