ابڙو اڪيڊمي Abro Academy
2020-07-24
داخلا نمبر 668
عنوان دوباھه
شاخ پکي
پڙهيو ويو 528
داخلا جو حوالو:
دوباھه
دوباھه
دوباھه
43 سينٽي ميٽر جسامت وارو هي پکي تتر جيترو ٿئي ٿو. هن اڇي- ڪاري پکيءَ جا نر ماد هڪجهڙا ٿيندا آهن. ان جي پٺي، مٿو، ڳچي ۽ پَـر ڪارا ٿين ٿا، باقي جسم اڇو اٿس. دوباهه جي ڪاري رنگ کي غور سان ڏسبو ته ان ۾ واڱڻائي نيري ۽ ٽامڻي سائي رنگ جو امتزاج محسوس ڪري سگهبو. چهنب ڊگهي ۽ نارنگي ڳاڙهي اٿس جيڪا خاص طور تي ڪجهه ان ريت آهي جو سپن ۽ ڪوڏن جو اندريون ڳـَر ڪڍي کائي سگهي. هي پکي رکي رکي تکي چڀندڙ رڙ ڪندو آهي جنهن تي ان ڏانهن ڌيان ڇڪجي ويندو آهي.
دوباهه کي Oystercatcher (ڪالُو سِپ خور ) اجايو چوندا آهن ڇو ته هي پکي ان سخت کوپيدار سپ جو ڳـَر ڪڍي نه ٿو سگهي، البت ٻيون سپون ۽ ڪوڏ سندس سولو شڪار آهن. هي پکي کيرٿر ۾ اندر ڪونه ٿئي پر ڪراچيءَ لڳ وارياسين سامونڊي ڪنڌين ۽ ٽڪرين تي سياري ۾ نظر ايندو آهي. ولرن ۾ رهي ٿو. هي پکي اڪثر مئي ڌاري موٽي ويندا آهن، ڪي ترسي به پوندا آهن. انهن جا افزائشي علائقا ڪئسپين ۽ ڪاري سمنڊ جون ڪنڌيون آهن.