ابڙو اڪيڊمي Abro Academy
2020-07-23
داخلا نمبر 662
عنوان ٻُـرڻـو
شاخ پکي
پڙهيو ويو 410
داخلا جو حوالو:
ٻُـرڻـو
ٻُـرڻـو
ٻُـرڻـو
40 سينٽي ميٽر جسامت واري ھيءَ بدڪ پري کان ڪاري نظر ايندي آھي . ھن بدڪ جا نر ماد لڳ ڀڳ ھڪجھڙا ٿين ٿا پر نَر وڌيڪ چمڪدار ھوندو آھي. ھن جي سِسي گـھِري ناسي ۽ پٺي چمڪدار ڪارسري سائي ھوندي آھي. ڇاتيءَ جو رنگ ناسي ۽ پيٽ اڇو ٿئي ٿو. اھا ٽُٻڻي بدڪ جو مثالي نمونو آھي جيڪي پاڻيءَ ۾ اندر ئي اندر ترنديون ۽ سنھيون ۽ ڊگھيون مڇيون کائينديون آھن. ٻُرڻو بدڪ پنڌ جي سُٺي نه آھي ڇو ته ان جون ٽنگون جسم ۾ ڪافي پوئتي ھونديون آھن. اڪثر ڍنڍن تي پوکن ويجھو ڇر تي ڏسبي آھي. ھي پکي افزائش نسل ڪشمير ۾ ڪندو آھي ۽ سياري ۾ ھندستان جي اترين ۽ مرڪزي علائقن ۾ پکڙجي ويندو آھي. ھن بدڪ جي نَر جي اڇي اک ۾ ڪاري پُتلي ھوندي آھي جڏھن ته ماديءَ جي اک اڇي ڪونه ٿئي.