ابڙو اڪيڊمي Abro Academy
2020-07-23
داخلا نمبر 648
عنوان قـاز
شاخ پکي
پڙهيو ويو 452
داخلا جو حوالو:
قـاز
75 سينٽي ميٽر جسامت وارو ھي وڏو پکي سياري ۾ گھڻو ڏسبو آھي، اڪثر وڏن ولرن ۾ خبرداريءَ سان ڍنڍن ۽ ندين تي لھندو آھي . ھي ڏاڍو دلڪش منظر ھوندو آھي. ان جا ولر ڊگھي وِي “V” شڪل ۾ خاص ترتيب ۾ اڏامندا آھن. ھڪ ھنڌان ٻئي ھنڌ اڏار دوران انھن جي موسيقيدار ٽرانڪ پئي ٻڌبي آھي. قاز لڏپلاڻ مھل تمام مٿي اڏامندو آھي، خاص ڪري ھماليه جا جبل اڪرڻ دوران.
ھن قاز جي سِسي اڇي ھوندي آھي پر ڳچي ۽ مٿي تي پٽا ٿيندا اٿس. ٻه پٽا اکين کان مٿي جي پوئين حصي تي، ڪياڙيءَ کان ڪلھي تائين ڪنڌ تي ۽ آڏو ڳچيءَ کان ڇاتيءَ تي. پرن جون چوٽڙيون ۽ پُڇ جو ڪجھه حصو گھري رنگ جو ھوندو اٿس . سنڌ ۾ اڪثر ماڻھو قاز پاليندا به آھي. تلائن جي لاءِ سونھن آھي. جيترو وقت گروهه ۾ پنڌ ڪندو، ان جي ٽرانڪ به پئي ھلندي آھي.