ابڙو اڪيڊمي Abro Academy
2020-07-18
داخلا نمبر 526
عنوان پاريھل
شاخ پکي
پڙهيو ويو 379
داخلا جو حوالو:
پاريھل
32 سينٽي ميٽر (تقريباّ ھڪ فٽ) جسامت وارو ھي پکي عام گھريلو ڪبوترن جو بنيادي ۽ جھنگلي نسل آھي. نيرڙي سُرمائي رنگ جي هن جهنگلي ڪبوتر کي پرن تي ڪاري رنگ جو ٻه پٽيون هونديون آهن، ۽ ڪنڌ تي سائون چمڪدار کنڀن جو ڪنٺو ٿئي ٿو. ڳچي ۽ ڪنڌ هلڪو واڱڻائي، چهنب ڪاري، ۽ ٽنگون ڳاڙهيون ٿين ٿيون. اڪثر ويران مقبرن، ڦِٽل کوهن ۽ جبلن جي ڏرڙن ۾ نظر ايندو آهي. عام طور ماحول: 2 ۾ رھندو آھي. ان جو آکيرو ڪکن، تيلين ۽ کنڀن تي ٻڌل ھڪ ننڍڙي ٿلھي وانگر ٿئي ٿو. ھر ھنڌ مقامي آھي ۽ لڏ پلاڻ نٿو ڪري.