ابڙو اڪيڊمي Abro Academy
2020-07-23
داخلا نمبر 652
عنوان ھنجر
شاخ پکي
پڙهيو ويو 510
داخلا جو حوالو:
ھنجر
ھنجر
ھنجر
65 سينٽي ميٽر جسامت جو ھي پکي ۽ ٻيا ٽي پکي قاز، ڪَرڙو (چيڪلو) ۽ Whistling Duck سنڌو ماٿريءَ ۾ وڌيڪ علائقن ۾ نظر ايندا آھن. اھي اڪثر سياري جا پکي آھن. ھن جي خاص سـڃاڻپ ان جي ڪاري چھنب تي ھيڊي نوڪ آھي. ھنجرتکو ۽ مضبوط اڏام ڪندڙ پکي آھي. اڏام دوران پنھنجي ڳچي اڳتي ڊگھيريل رکندو آھي. ھي ٽُٻڻين بدڪن واريون خاص وصفون رکي ٿو ۽ تانگھن پاڻين ۾ ننڍڙيون ٽٻيون ھڻنديون ۽ گپراٺن علائقن يا فصلن ۾ چرنديون رھنديون آھن.
عام طور ته نه، پر جيتوڻيڪ نر ماد ھڪجھڙا ٿين ٿا، اڪثر جنسن ۾ نر جا کنڀ لڳ جي مند کان جلد پوءِ چٽڪٻرا ٿي ويندا آھن. ھنجر تلائن ۽ ڍنڍن تي اڪثر جوڙن ۾ يا ڇڊن ولرن ۾ ڏسبو آھي.