ابڙو اڪيڊمي Abro Academy
2020-07-22
داخلا نمبر 624
عنوان ٻـَرهـاڙو
شاخ پکي
پڙهيو ويو 393
داخلا جو حوالو:
ٻـَرهـاڙو
ٻـَرهـاڙو
62 سينٽي ميٽر جسامت واري هن ٻگهه جا ٻيا سنڌي نالا ٻرڙو ۽ ٻرهڙو به آهن. ان جا نر ماد هڪجهڙا ٿيندا آهن. سڄو اڇو ٿئي ٿو، نوڪدار ڪاري مضبوط چهنب ۽ ٽنگون به ڪاريون ٿينس ٿيون. پير هيڊا اٿس، مٿي کان اڇن کنڀن جي چوٽي ڪنڌ تي پئي لڙڪندي اٿس. هن ٻگهه جي اک ڪاري ٿئي ٿي. لڳ جي مند ۾ کنڀ سهڻا ٿي ويندا اٿس. ان جو نسل ڪجهه گهٽيو آهي ته به ننڍين ٽولين ۾ ڍنڍن، دُٻن ۽ تلائن تي مڇي، جيت ۽ ڏيڏر جهليندو نظر ايندو آهي. تانگهي پاڻيءَ ۾ هلندي هلندي اهي ڪنهن ڪنهن مهل زور زور سان ٿاڦوڙا هڻندا آهن. شايد، ايئن شڪار کي پريشان ڪرڻ لاءِ ڪندا آهن.
ٻرهاڙي جي اڏار آهستي ٿئي ٿي. اهو هوريان هوريان پَـر ڦڙڪائي سڌو اڏامندو آهي ۽ اڏار مهل منڍي ڪلُهي سان ملائي ڇڏيندو آهي. آکيرو، پاڻيءَ جي ڪنڌين تي ڪالونيءَ جي صورت ۾ ٺاھيندو آھي. لڳ جي مُند ۾ پَـر کنڊيري سهڻي رقص ۽ پنهنجي سونهن سان ماديءَ کي مائل ڪندو آهي. ھي به ماحول : 7 جو پکي آھي.