ابڙو اڪيڊمي Abro Academy
2020-07-22
داخلا نمبر 637
عنوان ٽـوٻـو
شاخ پکي
پڙهيو ويو 385
داخلا جو حوالو:
ٽـوٻـو
ٽـوٻـو
30 سينٽي ميٽر جسامت جو هي چٽڪمرو ٽوٻو پنهنجي نسل ۾ سڀ کان ماهر شڪاري آهي. رنگ جو اڇو ڪارو (چٽڪمرو) ٿئي ٿو. مٿو ڪارو ۽ ان تي چوٽڙي هوندي اٿس. اڇي ڳچي، اک جي مٿان افقي اڇو پٽو ۽ اک جي پويان کان ڪلهي تائين عمودي پٽو هوندو اٿس. چهنب ڊگهي، مضبوط، نوڪدار ۽ معمولي خمدار ٿئيس ٿي ۽ پڇ جي اندرئين پاسي اڇا ڪارا افقي پٽا هوندا اٿس. نر ۽ ماديءَ جي رنگن ۾ ٿورڙو فرق ٿئي ٿو. نَر جي ڇاتيءَ تي هڪ سوڙهو ۽ هڪ ويڪرو پاسيرو پٽو ٿئي ٿو. ماديءَ جي ڇاتيءَ تي هڪ پاسيرو پٽو هوندو آهي.
ٽوٻو واهن، ڍنڍن، تلائن تي هر هنڌ ڏسبو آهي. ٽاريءَ تي ويهڻ مهل پڇ هيٺ مٿي پيو ڪندو آهي. مڇي مارڻ جو تمام ماهر آهي. هوا ۾ هيليڪاپٽر وانگر بيهي پَر پيو هڻندو ۽ اوچتي ٽٻي هڻي جڏهن پاڻيءَ مان نڪرندو ته چهنب ۾ ضرور مڇي هوندس. جيڪڏهن سندس وات ۾ مڇي نه آهي ته پڪ سان هن ڪنهن وڏي مڇيءَ تي حملو ڪيو هوندائين جيڪا هو کڻي ته نه سگهيو پر ان کي اهڙو زخمي ڪيو هوندائين جو اھا ان زخم کان مري پوندي.