ابڙو اڪيڊمي Abro Academy
2020-07-22
داخلا نمبر 622
عنوان ڪُڪي
شاخ پکي
پڙهيو ويو 349
داخلا جو حوالو:
ڪُڪي
ڪُڪي
ڪُڪي
45 سينٽي ميٽر جسامت واري هن پکيءَ جا نرماد هڪجهڙا ٿين ٿا. سياري ۾ پٺي ميٽوڙي ناسي، مٿي ۽ ڳچيءَ تي اکروٽي لينگها، پيٽ ۽ پڇ اڇو ٿئيس ٿو. لڳ جي مند ۾ مٿو ۽ ڳچي ھلڪي هيڊي ٿي ويندي اٿس ؛ پٺيءَ جو رنگ پڇ تائين ڪٿئي ۽ کنڀ ڊگها ٿي ويندا اٿس.
هن پکي جي چهنب به ٻين ٻگهن وانگر مضبوط ۽ ڊگهي ٿيندي آهي. اکيون هيڊيون ۽ ماڻڪي ڪاري ٿيندي اٿس. هي تمام عام ٻگهه آهي، هر تلاءُ تي ڏسبو آهي. ۽ ميري گدلي حالت ۾ ڪُٻ ڪڍيو بيٺو هوندو آهي.
ھي ٻگھه طبعيت ۾ ڊڄڻو نه آهي، صبر سان خاموش ويهي مڇيءَ يا ڏيڏر جو انتظار پيو ڪندو آهي. اڪثر اڪيلو هوندو آهي پر آرام مهل گڏجي ويهندا آهن. 1700 ميٽرن جي اوچائي تائين ملي سگهي ٿو. ھي ماحول : 7 جو پکي آھي.