ابڙو اڪيڊمي Abro Academy
2020-07-18
داخلا نمبر 537
عنوان ڪوئل
شاخ پکي
پڙهيو ويو 387
داخلا جو حوالو:
ڪوئل
ڪوئل
هي پکي 42 سينٽي ميٽر جسامت جو ٿئي ٿو. نر ۽ ماديءَ جو رنگ هڪٻئي کان بلڪل مختلف آهي. نَرَ جو رنگ چمڪدار ڪارو، اکيون قرمچي ڳاڙهيون ۽ ماڻڪي ڪاري هوندي آهي. چهنب جو رنگ هيڊو سائو ٿئي ٿو. ماديءَ جو رنگ گهرو سرمائي ٿئي ٿو جنهن تي هلڪا سرمائي لينگها ۽ تتر کرڙي اُفقي ليڪون ٿين ٿيون.
ڪوئل جو هي قسم تمام عام آهي پر سڀني ڪوئلن وانگر به اها ڏسڻ ۾ گهٽ ۽ ٻڌڻ ۾ وڌيڪ ايندي آهي ان جي ٻولي يڪي پر ٻِٽي ڪُوڪ تي ٻڌل آهي، ۽ رکي رکي ”ڪُو.... او! ڪُو... او!“ ڪندي آهي. هيءَ ڪوئل پنهنجا آنا جهنگلي يا گهريلو ڪانون جي آکيرن ۾ لاهيندي آهي ۽ ڪانءَ انهن آنن کي پنهنجا آنا سمجهي ٻچا ڦوڙيندو آهي. ڪوئل وڻن تي خاص ڪري رسدار ميون وارن وڻن ۽ گهاٽن ٻوڙن ۾ ڏسبي آهي. هي ماحول : 6 جو پکي آهي.