ابڙو اڪيڊمي Abro Academy
2020-07-22
داخلا نمبر 644
عنوان کيڻاٺِي
شاخ پکي
پڙهيو ويو 498
داخلا جو حوالو:
کيڻاٺِي
کيڻاٺِي
کيڻاٺِي
30 سينٽي ميٽر جسامت واري هن سهڻي آبي پکيءَ جا نر ماد هڪجهڙا ٿين ٿا. ان جو رنگ زيتوني سائو ڪارو، ڳاڙهي چهنب، پيلسري نوڪ سان ڊگهيون ٽنگون ۽ ڊگهيون آڱريون زيتوني سائي رنگ جون هونديون آهن. پاسي کان اڇا چٽ ٿينس ٿا. ان جون ڊگهيون آڱريون کيس پاڻيءَ تي ترندڙ پنن مٿان هلڻ ۾ مدد ڏين ٿيون. هونئن هي پکي پاڻ به آڙيءَ وانگر تارون آهي. هن ڪٽنب جا پکي پاڻيءَ تي آرام ڪندا آهن. ٻچو، هلڪو ناسي ٿيندو آهي.
کيڻاٺي پکي پنهنجي مٿي کان ڦنگ جو ڪم وٺي ٽٻيون هڻندو آهي. جڏهن پنڌ ڪندو آهي ته ان مهل پُڇ هيٺيان اڇا کنڀ ظاهر ٿيندا آهن. گروهه پسند هئڻ جي باوجود ويڙھه لاءَ ھر وقت تيار ھوندو آهي . زوردار واڪيندڙ آواز اٿس جيڪو پاڻيءَ ۾ ارتعاش پيدا ڪندو ويندو آهي. ڍنڍن، تلائن، کڏن وغيره ۾ رهندو آهي. ھي ماحول : 7 جو پکي آھي.