ابڙو اڪيڊمي Abro Academy
2020-07-23
داخلا نمبر 656
عنوان ٽـُٻڻو
شاخ پکي
پڙهيو ويو 406
داخلا جو حوالو:
ٽـُٻڻو
هيءَ بدڪ ٽٻڻين (dabbling ducks) جي ڪٽنب مان آهي جن ۾ Anas formusa, crecca, gibberifrons, acute, ۽ clypeata(لنگهو، اليپت) به شامل آهن.
41ـ 37 سينٽي ميٽر جسامت جي هن بدڪ جي نر کي اک جي مٿان کان ڪمان وانگر هڪ اڇي يا ڀوري پٽي ٿئي ٿي. مٿو ۽ ڳچي ڳاڙهسري ناسي، ڇاتيءَ جا کنڀ ناسي ۽ سرمائي ٿين ٿا. ٻين اکرن ۾ ڇاتي سرمائي تتر کرڙي اٿس. اڏار ۾ نيرا سرمائي پَر ۽ ان تي ويڪري اڇي ڪناري ڏسبي آهي. ماديءَ کي اک وٽ ڪاري رنگ جي امتيازي پٽي ٿئي ٿي ۽ چهنب جي پاڙ وٽ ننڍو بيضوي نشان هوندو اٿس. پرن جا کنڀ سرمائي ٿينس ٿا. مادي common teal کان مختلف هوندي آهي. پيٽ ڪجهه وڌيڪ اڇو ٿئيس ٿو. نر پکي جسماني نمائش وقت يا خوف مهل خشڪ ۽ تکي ٽرانڪ ڪندو آهي. مادي عام بدڪن وانگر ٽرانڪ ڪندي آهي.
هيءَ بدڪ اڪثر ڍنڍن ۽ درياهن ۾ نظر ايندي آهي.