ابڙو اڪيڊمي Abro Academy
2020-07-18
داخلا نمبر 524
عنوان تـَلـُورِ
شاخ پکي
پڙهيو ويو 433
داخلا جو حوالو:
تـَلـُورِ
70 سينٽي ميٽر ڊگهي پٿريلي وارياسي رنگ جي هن ڊيل جھڙي وڏي پکيءَ جي نر ماد ۾ ٿورو فرق آهي. نر جا رنگ پٿريلي ماحول سان هم آهنگ آهن، پيٽ ۽ ڊگھي ڳچيءَ جو رنگ اڇو ٿئيس، سرمائي ڪاري چوٽڙي ۽ ڳچيءَ تي مٿان کان هيٺ تائين اڇن ۽ ڪارن کنڀن جا جهالر اٿس. ٽنگون ڊگهيون ڪاريون ۽ ميٽوڙي هيڊيون ٿين ٿيون. پيرن ۾ ٽي ٽي آڱريون هونديون اٿس. هي سياري جو مهمان پکي آهي جنهن کي عرب دنيا جا شڪاري ڏاڍي شوق ۽ خرچ سان ڪئمپون هڻي شڪار ڪرڻ ايندا آهن. پکي اڪثر اڪيلو يا ننڍڙن گروهن ۾ هوندو آهي ۽ نيم صحرائي علائقن، ڍورن ۽ ساحلي ڪنڌين تي ملندو آهي. ڊوڙ جو ڏاڍو تکو آهي، پاڪستان ۾ ان پکيءَ جي وجود کي خطرو آهي. کاڌ خوراڪ ۾ اناج، ٻيرشامل اٿس. ڪِرڙيون ۽ نانگ به کائي وڃي ٿو. تلور ماحول : 3 ۾ نظر ايندو آھي.