بلبل (ٿاريلي)

هيءَ بلبل 20 سينٽي ميٽر جسامت جي ٿئي ٿي. پُٺيءَ جو رنگ گهرو ٽِڪ ٽِڪ ناسي ، ڪاري هلڪي ناسي سِسيءَ تي ننڍڙي چوٽي ھوندي اٿس. ڳاڙهو پَڇو ۽ پُڇ جي چوٽي اڇي ٿئيس ٿي. هيءَ بلبل طبعيت ۾ ڊڄڻي نه آهي. ماڻهن سان جلدي هِري وڃي ٿي، اڪثر ماڻهو ان کي هٿ تي پاليندا به آهن. سڄي اپکنڊ ۾ ٿئي ٿي پر بلوچستان ۽ سرحد ۾ ڪونه آهي. هر علائقي جي مند آهر سڄي سال ۾ ڪنهن به وقت افزائش نسل ڪري ٿي ۽ زمين کان مٿي (هڪ کان نَو ميٽر) اوچائي تي وڻ ۾ ، ٻوڙن ۾ يا عمارتن ۾ آکيرو ٺاهي ٿي. ان جي ٻولي ايئن آهي ڄڻڪ خبرداريءَ جو اطلاع ڏيندي هجي ”بُربل ... بُربل ...“ انگريز ان لاءِ چون ٿا ته اها چوي ٿي ” Be quick …. Be quick يا Be-care-ful“ هي ماحول : 6 جو پکي آهي.