0000-00-00
داخلا نمبر 1501
عنوان گهوڙي جا ٽَپ
شاخ محال ڪوهستان
پڙهيو ويو 6941
داخلا جو حوالو:
هن داخلا جون تصويرون نه مليون
گهوڙي جا ٽَپ
ڳوٺ محمد خان خاصخيلي کان پرئين پاسي ڏکڻ اولهه ۾ ٿورڙي پنڌ تي سَري کان اٽڪل 4 ڪلوميٽر پري آهي. هڪ نيم وارياسي ميداني ڀاڱي ۾ اٽڪل 220 قدمن (255 ميٽرن) جي ڊيگهه ۾ لاڳيتو هڪ قطار جي صورت ۾ پٿر اُڀا کتل هئا، ڪي ڪي پٿر ڊهي پيا هئا. هر ٻن پٿرن جي وچ ۾ فاصلو لڳ ڀڳ 3 ميٽر هو. ماڻهن ان کي گهوڙي جا ٽپ ٿي چيو، شايد اهي ڪنهن وسري ويل جنگي داستان جا يادگار هئا. ان ڪري انهن کي ”ماهي“ يا ”ماهيون“ چئي پيو سگهجي! شايد هي ڪو ڏورانهين ماضيءَ جو تاريخي واقعو هجي!
ڪجهه اهڙي ئي ترتيب ۾ کتل پٿرن جي هڪ قطار مون مهير جبل کان ڏکڻ ۾ ڏٺي هئي، اتي به مقامي ماڻهو انهن پٿرن بابت ڪو قصو ڪهاڻي ٻڌائي نه سگهيا هئا، بس ايترو چيو هئائون ته،”هتي شايد ڪا جنگ لڳي هئي!“
هاڻي سج لهي چڪو هو ۽ اسان کي باقي بچيل روشنيءَ ۽ ڳوٺ محمد خاصخيلي تائين پهچي ان جو جائزو وٺڻو ۽ تصويرون ڇڪڻيون هيون.