0000-00-00
داخلا نمبر 1458
عنوان ڪڇو بُٺي
شاخ محال ڪوهستان
پڙهيو ويو 32767
داخلا جو حوالو:
هن داخلا جون تصويرون نه مليون
ڪڇو بُٺي
هن ئي ماڳ کان ٿوري پنڌ تي هڪ ٻئي ماڳ جي نشاندهي ڪندي بخاري صاحب لکي ٿو ته ” پوکڻ لانڍيءَ کان ڏيڍ ڪلوميٽر کن ڏکڻ اوڀر ۾ ڏاڦرو نئه جي ويجهو اٽڪل ٻه ميٽر مٿڀرو موجود هن ماڳ تان ڀتين جي رهت کانسوءِ اهڙي ڪا به شئ نه بچي آهي جنهن مان وقت بابت ڪو پڪو اندازو هڻي سگهجي يا نمونو ڀيٽي سگهجي. هي آثار به ڌاتو پاهڻي دور جا آهن. هن بُٺيءَ کي ’ڪڇو بُٺي‘ ڪري ڪوٺين ٿا. هتي هڪ هنڌ پٿر مان ٺهيل ڀتين جي پيڙهين جا نشان به ملن ٿا. معمولي ٺڪراٺي سان گڏ پٿر جا پتا به ملن ٿا. هنن مڙئي سمڪالي آثارن جو هڪٻئي کي ويجهو هجڻ ظاهر ڪري ٿو ته پوکڻ واري جُوءِ وڏي اهميت واري هئي ڇاڪاڻ ته هتي ڀومتي طور اهڙي جاءِ تي آهي جتي سيوهڻ ۽ منڇر کان ايندڙ رستو جبل لتاڙي ڪوهستان واي علائقي ۾ داخل ٿئي ٿو ۽ هتان پوءِ ڪيئي واٽون مختلف ڏسن ڏانهن ڦُٽن ٿيون. انڪري هتي هڪ دور ۾ ماڻهن جو وڏو ميڙاڪو نظر اچي ٿو. هتي جون بستيون ڄڻ ته ٻن علائقن جي حدن تي هيون جتان هر ايندڙ ويندڙ کي اڳئين سفر لاءِ تياري ڪرڻ لازمي هوندي. هن مناسب بيهڪ جي ڪري سمجهجي ٿو ته هتان جا ماڻهو پڻ هرڪاريا ۽ سچيت هوندا“ (نئين زندگي، آڪٽوبر 1992)