ڪوئو (خاڪي صحرائي)

صحرائي خاڪي ڪوئو Balochistan Gerbil / Gerbillus nanus /

ڪوئو (خاڪي صحرائي)

هن ننڍڙي جانور جون پويون ٽنگون تمام وڏيون ٿين ٿيون، پڇ به تمام ڊگهو اٿس، جيڪو جسم ۽ مٿي کان ڏيڍوڻو هوندو آهي، پڇ جي چوٽيءَ تي وارن جو ننڍڙو مُچو اٿس. مٿان رنگ هلڪو خاڪي ناسي، پيٽ اڇو، ڪنن جي پاپڙين ۽ اک جي پويان اڇا چٽا ٿينس ٿا.

صحرائي ڪوئو ٻرن ۾ رهندو آهي رات باش آهي، ننڍڙا ٽپا ڏيئي هلندو رهي ٿو، اَن پَن ۽ جيت کائي ٿو، پاڻي ڪونه پيئي، اها ضرورت ماحول جي گِهم مان ۽ خوراڪ مان پوري ڪري ٿو. مادي ٻن کان ٽي ٻچا ڪري ٿي. هي ماحول : 4 جو جانور آهي.