ڪلياڻ ڪوٽ

ڪلياڻ ڪوٽ:

مرزا قليچ بيگ ”قديم سنڌ“ نالي پنهنجي ڪتاب (تحرير :1921) ۾ هڪ ٻي روايت ۾ ڪلا ڪوٽ جو ٻيو نالو ’ڪلياڻ ڪوٽ‘ ٻڌائي ٿو، يعني ’آرام جو قلعو‘. هو ان راءِ کي به رد نٿو ڪري ته ”سيوهڻ جي ڪافر قلعي وانگر هي به سڪندر بادشاهه جي سپه سالار جو ٺهرايل آهي.“ هو لکي ٿو ته ”70-80 سال اڳ اتي سڙيل ان جو وڏو انبار زمين ۾ پوريل مليو هو، جنهن مان معلو م ٿئي ٿو ته اهو شهر باهه جو ناس ٿيل آهي.“

پير حسام الدين راشديءَ ان خيال تي ڪابه راءِ نه ڏني آهي ۽ مڪلي نامه ۾ ساڳي ڳالهه حوالي طور ڏني آهي. البت ان تي حيرت جو اظهار ڪيو آهي ته جيڪڏهن واقعي ڪلان ڪوٽ ۾ باهه لڳي ته انجو ذڪر تاريخ جي ڪتابن ۾ ڇو ڪونهي؟