0000-00-00
داخلا نمبر 1488
عنوان ڪاپٽ ڪوٽيرو 1
شاخ محال ڪوهستان
پڙهيو ويو 6716
داخلا جو حوالو:
هن داخلا جون تصويرون نه مليون
ڪاپٽ ڪوٽيرو 1
گاڏي ڏکڻ اوڀر طرف اڳتي وڌي، ايڏانهن ڪاپٽ ديهه آهي. ڪاپٽ ۾ ڪجهه ڪوٽيرن جو ڏس هو، جيڪي دادا ڀائي سيمينٽ فيڪٽري (سپرهاءِ وي) کان 4-5 ڪلوميٽر اتر ۾ آهن. انهن ڪوٽيرن جو ذڪر مجمدار صاحب به ڪيو آهي ۽ انهن کي تاريخي دور سان لاڳاپيل سمجهي ٿو جيتوڻيڪ انهي جي اڏاوت به روايتي ڪوٽيرن جهڙي آهي، رستي جي اوڀر ۾ اسان ڪوٽيرو ڏسي لهي پياسون. تصويرون وغيره ته ڪڍيون ويون پر ان جون ماپون رهجي ويون. شايد هي 50x50 ميٽرن جو هو. هي هڪ ڪمري تي مشتمل ڪوٽيرو ننڍڙو هو. البت ويجهو ئي هڪ ٻيو مڪمل توجه لائق ڪوٽيرو بيٺو هو. هي ٿاڻي بولا خان کان سري روڊ جي اوڀر ۾ آهي ۽ بولڊر ۽ جِنبن جي اوساري آهي. بخاري صاحب به ان جو احوال تحرير ڪيو آهي،
” ٿاڻي بولا خان کان ڪراچي ويندي ڌماچ کان ٿورو اڳتي ڪاپٽ پهچبو. هتي پٿر مان ٺهيل ٻن اڏاوتن جا نشان آهن جيڪي مجمدار جي خيال ۾ تاريخ جي وچين دور سان واسطو رکندڙ هندن جا مندر هئا. هڪ عمارت کي چئني پاسي لنگهه آهي ۽ پڻ چئن چورس ٿنڀن جا نشان به موجود هئا. ان وقت انهن جون ديوارون اٽڪل پنجن فٽن جيتريون هيون. ملبي ۾ ڏهه فٽ کن ڊيگهه واريون پٿر جو ڇاڙون (slabs) پڻ پيل مليون هيون جيڪي شايد مندر جي ڇِت ۾ استعمال ٿيون هيون. هن اڏاوت بابت مسٽر ڪارٽر ، مسٽر ميسن، ڪيپٽن پريڊي پنهنجا پنهنجا رايا ڏنا آهن. مسٽر ڪزنس ۽ مسٽر ليمبرڪ به هن جو ذڪر ڪيو آهي.“