ڊمر، واڇر ڊمر، واڇر

ڊمر، واڇر Lebetine viper / Vipera lebetina /



هن لنڊيءَ جي ڊيگهه 0.93 کان هڪ ميٽر ٿئي ٿي، پڇ 120 کان140 ملي ميٽر هوندو اٿس. پٺيءَ جو رنگ مِٽيائون خاڪي ٿئيس ٿو جنهن تي 40 کان 50 عدد ننڍا ننڍا اڻچٽا چٽ هوندا آهن. پيٽ ڳاڙهاڻ مائل اڇو هوندو اٿس جيڪو ننڍڙن ڪارن داغن سان ڀريل هوندو آهي. پڇ ڳاڙهاڻ مائل هوندو اٿس.

ڊمر جي رنگن ۽ چٽن ۾ مختلف ماحولن سبب فرق ٿئي ٿو. ان جي پٺيءَ تي قطار ۾ بي ترتيب گـهرا چٽ به ٿي سگهن ٿا، اهڙا ئي چٽ پاسن کان به هوندا اٿس.

عام طور تي خشڪ پهاڙي علائقن ۾ ملندي آهي. ٻين لنڊين وانگر چيڙاڪ ۽ بيچين طبيعت آهي. ڪاوڙ ۾ وري وري شوڪارا ڪري حملو ڪندي آهي. خطري وقت پٿرن ۾ لڪي ويندي آهي. اولهه ۾ قبرص کان اتر آفريڪا، مشرق وسطيٰ، افغانستان، ايران، بلوچستان ۾ لسٻيلي تائين ملي ٿي.