0000-00-00
داخلا نمبر 1444
عنوان ٿاڻو بولا خان ريسٽ هائوس
شاخ محال ڪوهستان
پڙهيو ويو 32767
داخلا جو حوالو:
هن داخلا جون تصويرون نه مليون
ٿاڻو بولا خان ريسٽ هائوس
هي روايتي انگريزي طرز جي پٿر بلاڪ جي عمارت هئي. ننڍي چوديواري هڪ ايڪڙ تي پکڙيل آهي. گهٽ ۾ گهٽ ٽي گيٽ هئس. عمارت کي ڏکڻ ۽ اتر پاسي ٿـَلها آهن. هڪ پاسي سادو ٿلهو، ٻئي پاسي خلاصي ڪٽهڙي دار بيٺڪ! انگريز بهادر سلامي به ان پاسي وٺندو هوندو. عمارت کان ڪجهه پاسيرا ملازمن جا ڪمرا ۽ بورچي خانو هو. مکيه عمارت تي سن ..... لکيل هو. نوڪرن جا ڪمرا وغيره سال کن جي فرق سان جڙيا جڏهن انگريز بهادر موجود هو، تڏهن هتي سٺي ڇٻر، وڏا وڻ ۽ صفائي هوندي، هاڻي ته بس باغ به کنڊر ئي هو. وڻ پنهنجي ذاتي مڙسيءَ سان زنده هئا، انهن جي نگرانيءَ جو به انتظام نه ٿي لڳو، عمارت جي ڇت تي چڙهڻ لاءِ مضبوط ڏاڪڻيون لهڻ چڙهڻ لائق ڪونه رهيون هيون. باقي بنگلو شڪل شبيهه ۾ ايئن بيٺو هو ڄڻ جوان هجي!
عمارت ۾ اندر ٻن پاسن کان ورانڊا هئس جن ۾ اندرئين پاسي هال ڏانهن وٺي ويندڙ ڪاٺ جا مضبوط دروازا ۽ ٻاهرين پاسي جافري ڏنل هئي. هال کان اندر هڪٻئي پٺيان ٻه وڏا ڪمرا هئا جن کي خلاصا ڊريسنگ ۽ باٿ روم اٽيچ هئا.