0000-00-00
داخلا نمبر 1445
عنوان پنڊپهڻ
شاخ محال ڪوهستان
پڙهيو ويو 9092
داخلا جو حوالو:
هن داخلا جون تصويرون نه مليون
پنڊپهڻ
سج اڃا ُاڀريو ڪونه هو، پر روشني ٿي چڪي هئي. سوا ڇهه ٿي ويا، ڪوبه ڪونه موٽيو. مون پٿريلي پٽ تي پکڙيل ٻوٽا ڏسڻ شروع ڪيا پر نظر ننڍين سپن ۽ ڪاٺ جي ننڍڙن پنڊ پهڻن تي وڃي پئي. مون کي ياد آيو ته اڳي جڏهن آئون ٿاڻي بولا خان کان ڪرچات ويو هئس ته هنڌ هنڌ وڻن جا وڏا پٿرايل ٿڙ نظر آيا هئا. ڪرچات واري ميوزم ۾ ڪَڇونءَ جا ٻه فاسل رکيل هئا. ٿاڻو بولا خان تعلقو پنڊ پهڻن جي حوالي سان سچ پچ ته ڏاڍو شاهوڪار ٿو ڏسجي. اهي پنڊپهڻ ٿيل وڻ ۽ لاکڙي وٽ ڪوئلي جا ذخيرا شايد ساڳئي ئي سلسلي جا ٻه رخ آهن. هتي ساڳئي دور جا ڪي وڻ پٿر ٿي ويا ته ڪي ڪوئلو!