پاڪستان جي سياسي منظر نامي تي هڪ نظر

�ي ٿو تہ محترمہ ڀٽو ۽ ميان نواز شريف جي اقتدار جون ليڪون هٿن مان ڊهي ويون آهن، مون کي تہ پير صاحب جي اڳڪٿي بہ درست نظر ٿي اچي.

قوم کي ياد هوندو تہ ”انقلاب“ کان ڪجھہ ڏينھن اڳ مسٽر شير پاؤ پشاور کان ڪراچي تائين هڪ اهم ايجنڊا تي ڪم ڪري رهيو هو. ان پروگرام جو فارمولو اڄ ظاهر ٿي سامهون پيو اچي. محترمہ ڀٽو، ميان صاحب، فاروق لغاري سياست مان ڪاٽا ۽ نااهل ڪيا ويندا. ڪي ٻيا بہ نااهل ٿيندا، باقي ٻيا، ڀلي حڪومت هلائين! اسان ڏٺو تہ اصغر خان جو نورچشم، ميان جاويد جبار ۽ ڪجھہ ٻيا اقتدار ۾ آيا. ٻيا صاحب بہ هوريان هوريان سرندا پيا اچن. اصغر خان پاڻ تہ ڪڏهن بہ اقتدار ۾ ڪو نہ آيو پر سندس فرزند اچي ويو. وڏا ٺٺ ٿي ويا، اڃا ڇا گهرجي! پوئتي وڏو لشڪر پيپلز پارٽيءَ ۽ نواز ليگ وارن جو بہ آهي، جنھن کي ڇاڻيءَ ۾ ڇاڻڻ جو ڪم جاري آهي. وارو تہ شايد پير الطاف حسين کي بہ ڏنو وڃي ها پر هن نالائقي ڪري فوج ۽ آءِ ايس آءِ تي ”بھتان بازي“ شروع ڪري ڇڏي. توهان پاڻ سوچيو اها گستاخي بہ برداشت ڪرڻ جھڙي آهي؟ سو، مسٽر ستار ۽ قاضي صاحب کي گهرجي تہ معاملي جي نزاڪت کي سمجهن ۽ سياسي شطرنج جي مهرن وانگر مهرا ٿي هلن، اجايو پنھنجي ڪارپت ۽ حيثيت نہ وڃائين.