0000-00-00
داخلا نمبر 1500
عنوان ٻُورو شاهه بيگ
شاخ محال ڪوهستان
پڙهيو ويو 7035
داخلا جو حوالو:
هن داخلا جون تصويرون نه مليون
ٻُورو شاهه بيگ
مول وٽ ئي ڳوٺ شاهه بيگ حملاڻيءَ کان اٽڪل ٻه فرلانگ اتر اولهه ۾ هڪ ايڪڙ کن علائقي ۾ وڏو ٺڪراٺو پکڙيل هو. ٺڪراٺي مان گهڻن ئي دورن جو پتو پئي پيو، پرايئن ٿي لڳو ته هي اصل ۾ تاريخ کان آڳاٽو ماڳ آهي. ٺڪرين ۾ تاريخ کان آڳاٽو مواد، اوائلي اسلامي، اسلامي دور جون ٺڪريون، حُقن جون ٽوپيون ۽ ڪاشيءَ جا ٽڪرا موجود هئا. ڪنهن ٺڪري تي هڪ جانور جي ڄنگهه ڇپيل هئي.
حملاڻين کان موڪلائي اسان ان ڳوٺ جو رخ ڪيو جنهن جو ڏس ’ڪارو خاصخيلي‘ لڳ نِمگو وٽ سڄڻ شوري ڏنو هو. پر سيف الملوڪ رستووڃائي ويٺو. سج تيز وکون کڻي جبلن جي پويان لڪڻ جي ڪوشش پئي ڪئي. چڱو وقت ضايع ٿي ويو، نيٺ اچي اتي پهتاسون جتي وڃڻو هو. ڳوٺاڻن رهنمائي ڪئي، ”مسيت هن پاسي آهي پر پهرين گهوڙي جا ٽپ هلي ڏسو!“