ٺـٽـي جـون مسجـدون

ٺـٽـي جـون مسجـدون



خضري مسجد مغل جي دور جي عمارت .

هيءَ مسجد ٺٽي جي شاهي بازار ۾ آهي. هيءَ سِرن جي اڏاوت ۽ ڪاشيءَ سان سينگاريل آهي. ان جي محراب تي موجود هڪ تحرير موجب هيءَ مسجد نواب عبدالرزاق مظهر خان 1022هه (1613ع) ۾گورنر ٿيڻ کان اڳ ٺهرائي هئي . مسجد 53 فٽ هم چورس آهي ۽ نماز جو هال مستطيل اٿس. مسجد جي چؤديواريءَ جي ڏکڻ اوڀر کان بازار واري پاسي گنبذي لنگهه اٿس. مسجد ۾ اصلوڪي وقت جون ڪي پاڇيون باقي آهن. مکيه در وٽ اولهه پاسي ستن ونگدار طاقچن تي ٽه رنگي ڪاشيءَ جي آرائش آهي. اهي رنگ اڇو، هلڪو نيرو ۽ گهاٽو نيرو آهن.

مسجد جي مهاڙي اوڀر پاسي اوچي آهي. وچون ڀاڱو پاسن کان وڌيڪ مٿي آهي، انڪري مٿيان ٽيئي قبا نظر نٿا اچن. اوچي alcoves هيٺان ٽي ونگدار لنگهه آهن. وچون لنگهه پاسي وارن لنگهن کان وڏو آهي ۽ هر لنگهه مستطيل شڪل جو آهي. ونگن جي هيٺئين پاسي پيلي پٿر جي ڇهه ٿنڀا آهن. وچين ونگ جي spandrels تي ڪاشيءَ جي آرائش ٿيل آهي ۽ هيٺان ٻه nook shafts آهن. انهن spandrels جي آرائش خاص سنڌي انداز جي آهي، هلڪي نيري رنگ جي تَر تي اڇي رنگ ۾ گلڪاري ڪئي وئي آهي. نماز وارو ڀاڱو ٽن حصن ۾ ورهايو ويو آهي، وچون حصو وڏو آهي. ٽيئي حصا هم چورس آهن ۽ انهن تي گنبذ رکيا ويا آهن.

هن مسجد جي خاص خوبي اها آهي ته ان ۾ هوا لاءِ ٽي منگهه رکيا ويا هئا. اها خاصيت هتان جي مقامي روايتن ۽ گهميل موسمن سبب ضروي هئي. هي مسجد هن علائقي ۾ مغل دور جي اهم ۽ امتيازي اڏاوت آهي.