هوٿياڻو

هوٿياڻو

لڪي جبل جي هڪ ڇاڙهه آهي. هوٿياڻي مان هڪ واهِي ڦُٽي ٿي. ان واهيءَ تي هڪ ٽڪريءَ جي مٿان پٿر جي اڏاوتن جا آثار مليا آهن. هتي چقمق ۽ بلوري پٿر ڪمايل توڙي اڻڪمايل پکڙيل نظر ايندا. هن ماڳ لاءِ اهو چئي سگهجي ٿو ته گُجي، ٻنڌڙي ۽ مليري وانگر پٿر ڪمائڻ لاءِ ڪارخاني طور ڪم ايندو هو.

ڪوٽيرو ڪنڊي ترائي I

ديهه ڪنڊي ترائيءَ ۾ هڪ هيٺانهين بُٺيءَ تي وڏن پٿري بلاڪن جي اوساري ٿيل چئن مستطيل ڪمرن جو ڪوٽيرو موجود آهي جنهن جي اتر کان ڏکڻ ڪل ڊيگهه ويڪر 54 x16 ميٽر ٿيندي. ان جون ديوارون 2.15 ميٽر موڪريون آهن ۽ چئني ڪمرن جا دروازا اتر رخ ۾ اٿس. دروازن جي ويڪر 1.10، 1.20 ۽ 1.85 ماپي وئي. ڪوٽيري جي اوچائي هن وقت ميٽر کي هئي جنهن ۾ پٿر جا اڻ گهڙيل وڏا بلاڪ استعمال ٿيل هئا ۽ ان ۾ ڪوبه مصالحو استعمال ٿيل نه ٿي لڳو. هتي به ڪو ٺڪراٺو موجود ڪونه هو. ڪوٽيرو سڀني و صفين ڪوٽيرو آهي پر هتي به اهو سوال اڌورو رهجي وڃي ٿو ته هيءَ اڏاوت تاريخ کان آڳاٽي آهي يا تاريخي؟



ڪوٽيرو ڪنڊي ترائي II

ٿورو ئي اڳتي ڳوٺ خاصخيلي ويجهو هڪ ٻيو ننڍو ڪوٽيرو موجود آهي. ان جي ڊيگهه ويڪر 17.60 x 32 ميٽر آهي. ان کي ٻن حصن ۾ ورهايو ويو آهي. ڪوٽيري جي بيهڪ اتر – اولهه کان ڏکڻ –اوڀر آهي، ان ڪري دروازن جو رخ اتر – اوڀر طرف آهي. ڪوٽيري جا ڪمرا 11-11 ميٽرن جي ٻن ڀاڱن تي مشتمل آهن ۽ ديوارن جي ٿولهه 2.15 ميٽر آهي.