0000-00-00
داخلا نمبر 1439
عنوان هنومان
شاخ محال ڪوهستان
پڙهيو ويو 32767
داخلا جو حوالو:
هن داخلا جون تصويرون نه مليون
هنومان
ڀر واري ڪوٺڙيءَ ۾ ٻي مورتي هنومان جي هئي. سندس آڏو به اگربتي دان ۽ ننڍڙو آتش دان خاڪ سان ڀريو پيو هو. هنومان کي اڪثر ان منظر ۾ ڏيکاريو ويندو آهي جڏهن هو لڪشمڻ جي حياتي بچائڻ لاءِ ’سنجيوڻي‘ ٻوٽيءَ جي تلاش ۾ سِري لنڪا کان هماليه ويو هو ۽ سڄو هماليه جبل هٿ جي تِريءَ تي کڻي واپس سري لنڪا ڏانهن اُڏاڻو ٿي ويو. هتي به اهو ئي منظر پيش ڪيو ويو هو. هنومان جي هيءَ مورتي ته خبر نه آهي ته ڪنهن ٺاهي هئي پر ان تي آخري ڀيرو پينٽنگ مٺيءَ (ٿر) جي منگهارام سُوٽهڙ باراچ ٽي چار سال اڳ ڪئي هئي. سنڌين خاص ڪري سنڌي هندن کي تيز رنگ تمام پسند ٿين ٿا: تيز نيرا، تيز ڳاڙها، گيڙو، هيڊا ۽ چهچ ساوا رنگ پري کان پيا ڏسبا آهن. وٽن ٿڌن رنگن جو ڄڻ ته مزاج ۽ رواج آهي ئي ڪونه!