موسيٰ جي ماھي

اڳتي ھلي اھي تصويرون ڪم اينديون ... ٿورو وقت ته برابر خرچ پئي ٿيو پر ھن جبل ۾ آئون روز ته ڪو نه ٿو اچان ؟ ھن علائقي ۾ پَلوار، زيتون، ٻُوھه ، ڪَنڊو، ٻَـٻـُر، ڄاڱري ٻير، لَئي، ڄار، گُگُر، ٽـُوھه، کِپَ ، اڪ، کونئر ۽ ھيرڻ نظر آيا ھئا.

جڏھن جيپ مھير جيل جي ان حصي وٽان لنگھي جتان ڪَنڊ جھنگ ڍورو مھير جي وچ مان ٻاٻرو آثارن وٽان ٿيندو نڪري رھيو، تڏھن گل حسن آڱر جي اشاري سان چيو، ”ٻاٻرو !‟ ھن ريت ھُو مون کي ٻاٻري واري اڳوڻي سفر جي ياد ڏياري رھيو ھو