0000-00-00
داخلا نمبر 1771
عنوان من لاگو يار!
شاخ سنڌ ڪيس
پڙهيو ويو 5885
داخلا جو حوالو:
هن داخلا جون تصويرون نه مليون
بہ مختلف ڪو نہ آهي. پاڻ گذريل 58 سالن کان ٻٻرن کان ٻير پيا گهرون، پيا ٿا گهرون ۽ پيا ٿا گهرون. خبر نہ آهي تہ اسان کي اڃا تائين اصلي ڳالھہ سمجھہ ۾ ڇو نہ ٿي اچي؟
اهڙي ذهني ۽ ڪرداري غربت ۾ ڇا ڪجي؟ هن بدبوءِ دار سياسي ماحول ۾ روح کٽو ٿئي تہ ڇا ڪجي؟ نيٺ علاج ڇا آهي؟ وس وارن صاحبن جو من تہ وڃي سياسي شطرنج جون بازيون کيڏڻ ۾لڳو آهي. ڇا ان کان بھتر نہ آهي تہ ان منافقتن ڀري سياست کان بيزاري ڏيکاري ”واڪ آئوٽ“ ڪري وڃجي! ۽ من وڃي فقيريءَ ۾ هڻجي؟ شايد ڪو سياستدان دانشور ان کي ”واڪ اوور“ چوي! پر توهان جو ڇا خيال آهي جنھن نموني جي سياست هلي رهي آهي، اها عبدالله شاھہ غازي جي ديڳ واري لنگر کان ڪو مختلف منظر پيش پئي ڪري!؟
منافقت جي حد آهي، هرڪو صاحب ايڏي ڪمال سان ڪاٺ جي تسبيح پيو ڦيري جو خود ڪاٺ جي تسبيح حيران آهي تہ آخر مون کي ڦيرڻ مان هنن جوڳين کي ڇا حاصل ٿيندو؟ جيڪڏهن هر ڪو دل جي سچائيءَ سان من جي مالها ڦيري تہ منزل ملڻ ۾ ڪھڙي دير آهي؟
انڪري، هاڻي ڇو نہ ڀڳت ڪبير جي صلاح تي عمل ڪجي ۽ اهڙو ڪجھہ نہ ڪجي جو پويان جڳ کلي!