0000-00-00
داخلا نمبر 1688
عنوان مرزا صالح جي رانئڪ
شاخ ڪينجهر ڪوهستان
پڙهيو ويو 6572
داخلا جو حوالو:
هن داخلا جون تصويرون نه مليون
مرزا صالح جي رانئڪ:
عبدالله شاهه اصحابيءَ کان اوڀر پاسي ۽ مرزا باقي بيگ واري قبرستان جي وچ ۾ مڪليءَ جي ڪنڌيءَ تي هڪ ٻي چؤديواري مرزا صالح جي آهي. اها چؤديواري تقريباََ 72X71 فٽ آهي. ان جي اولهه واري ڀاڱي ۾ اوچي سطح تي محراب نڪتل آهي. وچ تي هڪ ٿلهو 44X29 فٽن جو آهي، جنهن کي ٽي سطحون آهن. وچ وارو پليٽ فارم 44X20 فٽ آهي، جنهن تي ٽي قبرون آهن. مرزا صالح جي قبر جو تعويذ وچ تي آهي. تاريخ جو ڪتبو فارسيءَ ۾ لکيل آهي. مرزا صالح مرزا عيسيٰ خان (اول) ترخان جو پٽ هو جنهن کي سندس ڀاءُ مرزا باقي بيگ 23 شعبان 970 هه (1563ع) تي قتل ڪرايو هو. مرزا صالح واري رانئڪ سندس پيءُ جي وفات کان پوءِ 973 هه (1565ع) ۾ ٺهي.