لائٽورينڪَس پيراڊاڪس

لائٽورينڪَس پيراڊاڪس /Lytorhynchus paradoxus /



هن بلا جي ڊيگهه 370 ملي ميٽر ۽ پڇ 60 ملي ميٽر ٿئي ٿو. جسم هلڪو ڀورو يا مِٽيائون هوندو آهي جنهن تي 40 کان 50 ڀورا يا ڪارا وڏا چِٽ ٿين ٿا. پاسن کان هلڪي رنگ جا ننڍا نشان هوندا اٿس. پيٽ اڇو، مٿي تي وڏو چِٽو ۽ اکين جي پٺيان هڪ وڏي ڪاري پٽي ٿئيس ٿي.

ريتيلن دڙن تي رهندي آهي، ٻُوڙن جي پاڙن ۾ لڪي ويٺي هوندي آهي. رات باش آهي. خطري جي صورت هڪدم واريءَ ۾ ٽُٻي هڻي ويندي آهي. زمين سخت هجي ته پاڻ کي گول ويڙهي ڇڏيندي آهي. سنڌ ۽ پنجاب جي وارياسن علائقن ۾ ٿئي ٿي.