لائيڪوڊان ٽرئوينڪورِيڪَس

لائيڪوڊان ٽرئوينڪورِيڪَس Travancore Wolf snake / Lycodon travancoricus /



هن بلا جي ڊيگهه 450 ملي ميٽر کان 500 ملي ميٽر (لڳ ڀڳ ڏيڍ فٽ) ٿئي ٿي، پڇ 100 کان 125 ملي ميٽر هوندو آهي. هيءَ ننڍڙي بلا عام طور تي پٿرن جي ڍيرن، چُرن ۽ وڻن جي ڇوڏن جي هيٺان ملندي آهي. رات جو ڪِرڙين ۽ ڏيڏرن جو شڪار ڪندي آهي. ان جون عادتون به Common Wolf snake جهڙيون ئي آهن. ٿڌي مزاج جي آهي پر موقعو ملڻ تي چڪ وجهندي آهي. غير زهريلي آهي. مارچ کان مئي تائين اڌ درجن کن آنا ڏئي ٿي، جولاءِ تائين ٻچا ڦٽي اچن ٿا.

جسم نيراڻ مائل ڀورو هوندو اٿس جنهن تي هلڪي پيلي رنگ جون پٽيون هونديون آهن، جيڪي ٻنهي پاسي دوشاخيون ٿي وينديون آهن، ان ريت انهن جي ڇاپ ڪجهه اهڙي ٿي ويندي آهي ڄڻ ٽڪنڊا هجن.

ڏکڻ ۽ وچ هندستان،سنڌ ۽ پنجاب ۾ ٿئي ٿي.