سنڌو ڊيلٽا ۾ مهاڻن جو ميلو

ٿي. لنگر تان ڪنھن ڀاڳن واري کي ڀاڱو ملي ٿو. مٺي پاڻيءَ جو بندوبست ميلي جا منتظم ڪن ٿا.

جيڪڏهن توهان بہ هن عجيب ميڙي ۾ شريڪ ٿيڻ گهرو تہ ٿي سگهو ٿا. توهان کي فقط ايترو ڪرڻو پوندو تہ سفر جو سامان کڻي ڪنھن بہ سامونڊي يا کاريءَ واري پتڻ تي پھچو جتان ڪو نہ ڪو ٻيڙو ابراهيم شاھہ جي ميلي لاءِ نڪرڻ جي تيارين ۾ هوندو. توهان ٻيڙي/لانچ واري کي پنھنجي منشا ٻڌايو، هو توهان کي بنا ڀاڙي جي کڻي هلندا. مهاڻا هن ميڙي جي پانڌيئڙن کان ڀاڙو نہ وٺندا آهن، اها سندن پراڻي ريت آهي. اهو بہ ممڪن آهي تہ هو توهان کي مهمان سمجهي کاڌو پيتو بہ ڏين پر بھتر اهو آهي تہ توهان وٽ پنھنجو بندوبست هجي.

ابراهيم شاھہ جي ميڙي لاءِ سڀ کان گهڻا ٻيڙا ابراهيم حيدري، ريڙهي مياڻ، بابا ڀٽ وغيره تان نڪرن ٿا ڇاڪاڻ تہ اتي مهاڻن جون وڏيون آباديون آهن. ٺٽي ضلعي مان جنگي سر، ڪيٽي بندر ۽ ٻين ننڍن پتڻن تان ٻيڙا ۽ هڙها نڪرن ٿا، بدين ضلعي ۾ شاهبندر کي اهميت آهي، جيڪو ابراهيم شاھہ کان لڳ ڀڳ چئن ڪلاڪن جو پنڌ هوندو. ڪراچيءَ جي بندرگاهن کان واڙيءَ جو پنڌ ٽن چئن پھرن جو آهي. توهان کي اوٽ موٽ گهٽ ۾ گهٽ ٽي ڏينھن ڏيڻا پوندا.