ساھہ کڻڻ بند تہ نٿو ڪري سگهجي!

سنڌي ماڻهن کي ڪارنر ڪرڻ ۾ ڀائي صاحبن جيڪا حڪمت عملي اختيار ڪئي ۽ جنھن ريت اڄ تائين راڄ پيا ڪن،ا يئن تہ بش ۽ ٽوني بليئر بہ دنيا جي اکين ۾ ڌوڙ وجهي ڪو نہ سگهيا هوندا. ”ماريو ۽ دانہون ڪريو!“ حڪمت عملي هڪ اسرائيل وارن جي آهي، ٻي آمريڪا ۽ برطانيا جي ۽ ٽين اسان جي ڀائي صاحبن جي! هنن جمهوري ايوانن مان جمهوري قدرن کي بندوقن جي نوڪ ۽ دهشتگردي سان ايئن نيڪالي ڏيئي ڇڏي آهي جو گنگ ٿيل جمهوريت حيران پريشان اکين سان اسيمبليءَ جي ڦاٽڪ تي ويھي رهي آهي.

سنڌ کي ”ماءُ“ اهو چوي، جنھن اولاد هجڻ جو حق ادا ڪيو هجي! جنھن سنڌ جي حقن لاءِ ويڙهاند ڪئي هجي ۽ سنڌي خلق کي اڃ بک مارڻ ۽ بي گهر ڪرڻ ۾ غير سنڌين سان گڏجي مٿن گوليون نہ هلايون هجن. ڪشميرين کي بي هٿيار ضرور ٿيڻ گهرجي پر ڪراچي کي بہ بي هٿيار علائقو ٿيڻ گهرجي، اهو ڪم الائي ڪير ڪندو؟