0000-00-00
داخلا نمبر 1505
عنوان زرقاڻي ڪوٽيرو
شاخ محال ڪوهستان
پڙهيو ويو 6217
داخلا جو حوالو:
هن داخلا جون تصويرون نه مليون
زرقاڻي ڪوٽيرو
تؤنگ کان بيلي ٽپ وڃبو ته اولهه طرف سڀ کان پهرين هڪ اوچي ٽڪريءَ جي ڦوڙن جي ڪنڌين تان لنگهڻو پوندو. ٻن ڏرڙن جي وچ مان گاڏي هوريان هوريان پاڻ سنڀاليندي ۽ چڙهندي اوچن پوٺن تي پهتي ته آڏو بيلي ٺپ جي رستي تي ساڄي پاسي هڪ ڪوٽيرو بيٺو هو. هي ماڳ تؤنگ کان 8-10 کن ڪلوميٽر اولهه ۾ هوندو.
ڪوٽيري جو در اوڀر طرف هو ۽ اڻگهڙيل پٿري تؤنڪن وارين قبرن جو نمونو اسلامي اصولن موجب لڳي ٿو. ان جي اوچائي ۽ ويڪر 5-5 فٽ آهي. ڪجهه ئي اڳتي هڪ ڪِرهي ۽ ساڳئي قسم جون قبرون نظر آيون. انهن جي حالت بنهه لاوارث هئي. جيتوڻيڪ قبرن جي بيهڪ اتر ڏکڻ هئي پر اهو ضروري نه هو ته اهي اسلامي دور جون قبرون هجن. هن ماڳ جو نالو ڪنهن کي به معلوم ڪونه هو. مجبور ٿي اسان ان کي ’زرقاڻي ڪوٽيرو‘ سڏيو جو ويجهو ئي هڪ هنڌ زرقاڻي کاڻ مان پٿر ڪڍيو وڃي ٿو.