0000-00-00
داخلا نمبر 1470
عنوان روهي حاجي قاسم باريجو
شاخ محال ڪوهستان
پڙهيو ويو 8470
داخلا جو حوالو:
هن داخلا جون تصويرون نه مليون
روهي حاجي قاسم باريجو:
ڳوٺ نبي بخش کانپوءِ پٿري دائرن جي تلاش ڪندي ڪندي جڏهن ڳوٺ حاجي قاسم باريجي پهتاسون ته هتي به هڪ روهي کتل هئي، پر اها قدبت ۾ ننڍي هئي. ان جي ويڪر هڪ ميٽر، اوچائي 94. ميٽر ۽ ويڪر 16. ميٽر هئي. ان جي پاسن کان ٻه ٽي کڏا لڳل هئا. هي ڪم خزاني جي کوجين جو هو. هنن کي ڪو خزانو ته ڪونه مليو هو پر آثارن جو خزانو ضرور تباهه ڪندا ٿي ويا. قاسم باريجي ۾ کتل هيءَ روهي تجويز ڪري رهي هئي ته هن خطي ۾ هن قسم جي روهين جو ڪو باقاعدي سلسلو يا دور به ٿي سگهي ٿو. انهي روهين جي ڪهاڻي ڇا ٿي سگهي ٿي؟
ڳوٺ جي ماڻهن، اوپرن ماڻهن کي جيپ مان لهي پٿرن جي ماپ طور ۽ فوٽا ڪڍندي ڏٺو ته سمجهيائون پڪ سان ڪا سرڪاري ٽيم زمينن جي مالڪيءَ جو سروي ڪري رهي آهي. بس پوءِ ته گهڻن ئي ماڻهن سان گڏ چاچو ڌڻي بخش به پٿر جي مالڪي ڪرڻ پهچي ويو. کيس مطمئن ڪرڻ جو طريقو فقط هڪڙو هو ته کيس ان پٿر جي ڀرسان بيهاري فوٽو ڇڪجي. پوءِ ڳوٺاڻا اسان سان ٺهي ويا. هرڪو پاڻ ڏانهن ڇڪڻ لڳو، ”هڪ ڪوٽيرو منهنجي بٺيءَ تي آهي ... هڪ ڪوٽيرو او! هُتي آهي، هلو ته آئون ٿو ڏيکاريان!“