0000-00-00
داخلا نمبر 1447
عنوان دائو ڊيم سائيٽ
شاخ محال ڪوهستان
پڙهيو ويو 7331
داخلا جو حوالو:
هن داخلا جون تصويرون نه مليون
دائو ڊيم سائيٽ
اهي ماڳ ڪانڀي جبل جي سلسلي سان آهي. پر هتي نئه موڙهائي ڪانڀي کي ٻن حصن ۾ ورهائي ٿي. اتر وارو پاسو ’ڪانڀو‘ سڏجي ٿو ۽ ڏکڻ ۾ ’هوٿار‘ آهي. ٻنهي جبلن جي وچ ۾ دائو ڪُنڀ آهي. جنهن جو پاڻي معدنيات سبب پيئڻ جهڙو نه آهي، البت ان تي ڍانڍي گاهه خوب هو ۽ مقامي پکين لاءِ جياپي جو وڏو بندوبست هو. هتي اڇي ڳل واري بلبل (yellow vented white check bulbul) جام هئي.
ڪنهن به سٺي ڊيم لاءِ هيءَ عاليشان سائيٽ هئي. مٿي هوٿار ڀَرِ تي دائو ريسٽ هائوس هو، جنهن جي ڀَرسان جهنگلي جيوت کاتي وارن جو بورڊ لڳل هو. هتي ڪابه پهر موجود ڪونه هئي. ڪنهن ڪنهن مهل ڪا گاڏي لنگهي ٿي وئي، ٻيو مڙئي خير! هن هنڌ نئه جبل کي پٽ تائين وڍي پنهنجو لنگهه ٺاهيو آهي. جيڪڏهن هي لنگهه بند ڪيو وڃي ته ذري گهٽ ٿاڻي بولا خان تائين جو سڄو وچون علائقو آباديءَ هيٺ اچي وڃي! هي بند به ڪو تمام وڏو ڪونه هوندو چند سئو فٽ ڊگهو ۽ اوچو بند ٻڌڻ ڪهڙي وڏي ڳالهه آهي؟