0000-00-00
داخلا نمبر 1464
عنوان جَرياڙ
شاخ محال ڪوهستان
پڙهيو ويو 10653
داخلا جو حوالو:
هن داخلا جون تصويرون نه مليون
جَرياڙ
هي ماڳ کجور واهيءَ جي ڀَر ۾ (ديهه باٺارو ڪرچات، تپو ٿاڻو عارب) ڳوٺ مقبول برفت کان هڪ ڪلوميٽر اوڀر ۾ آهي. ماڳ ٻن حصن ۾ آهي پر ان جي بيهڪ ڪجهه اهڙي آهي جو يڪو هڪ ماڳ پيو لڳي. اسان ان کي پنهنجي سهوليت لاءِ ٻن ماڳن طور شمار ڪيو: جرياڙ-I ۽ جرياڙ- II. انهن جي مجموعي ڊيگهه ويڪر لڳ ڀڳ 150X300 ميٽر هئي، جنهن جي هڪ حصي ۾ قبرستان آهي.
هي پٿري اوزارن جو وڏو ورڪشاپ هو ڄڻ ته ڪو مائڪرولٿڪ يا ميسوليٿڪ ڪم ٿيو هجي. ڪن هنڌن تي پٿري بلاڪن جا بنياد به نظر ٿي آيا پر تمام گهٽ. هن ماڳ تان آمريءَ جي دور جون ٻه ٺڪريون به مليون، flint ته خير هونئن ئي جام هئي. ٺڪرين تي اڇا ناسي پٽا ڏنل هئا. هي ٻئي ماڳ پاڻ ۾ ڳنڍيل ضرور آهن پر چئي نٿو سگهجي ته ٻئي هڪ ئي زماني جا آهن يا نه؟ شايد اڳ پُٺ جا هجن!
ساڍا ڏهه وڳا ته اسان جرياڙ ڇڏي اڳتي وڌياسون.