جهنگراڙ ٻِلو

جهنگراڙ ٻِلو Jungle Cat / Felis chaus /



هي ٻِلو قد ۾ 20 کان 37 انچ ۽ وزن ۾ 4 کان 16 ڪلو هوندو آهي. درياهن ۽ پاڻين جي ويجهو رهڻ ۽ شڪار ڪرڻ سبب ان کي Reed Cat or Swamp Cat به چئبو آهي. ان جي پشم سرمائي ناسي يا ڳاڙهسري هيڊي ٿئي ٿي. ٽنگن ۽ پُٺيءَ تي ڪارسريون پٽيون، ننڍو پڇ ۽ ڪَنن جي وارن جا مُچا ننڍا ٿيندا اٿس. پڇ تي ڪارا ڇلا ۽ ٽنگون وڏيون هونديون اٿس. جهنگراڙ ٻلو وڻڪار يا ٻوٽن ۾ رهندو آهي، ڪوشش ڪندو آهي ته پاڻيءَ جي ويجهو هجي. اڪثر رات جو نڪرندو آهي ۽ هر قسم جو شڪار ڪندو آهي. وڻن تي چڙهي پکي شڪار ڪري ٿو. ٻهراڙين ۾ پالتو پکين ۽ ننڍي مال تي حملو ڪري ٿو. مادي ٻچا ڏيڻ مهل سيڙهه يا ڪنهن ٻئي جانور جي ڏرڙ تي قبضو ڪري ٿي. 66 ڏينهن جو پيٽ ڪري ٿي ۽ سراسر 3کان پنج پلونگڙا ڄڻيندي آهي.

هي ٻلو ڏينهن جي وقت ٻرن ۽ گهاٽي گاهه يا وڻن ۾ آرام ڪندو آهي. اڪيلائي پسند آهي ۽ رات ڏينهن شڪار ڪندو آهي. هي ماحول : 6 جو مماليه آهي.