تؤنگ سائٽ

�ڃو؟ ڪنهن جي اجازت اٿوَ؟“ وري به سيف الملوڪ کيس پنهنجو چهرو ڏيکاريو ۽ خير عافيت ڪئي. سيف الملوڪ هن علائقي ۾ اسان لاءِ ڄڻ ’سرڪاري اجازت نامو‘ هو! نيٺ ، هو پاڻ به ته ’سرڪار‘ جو حصو هو.



حاجي موسيٰ گبول ڳوٺ:

نيٺ اچي حاجي موسيٰ گبول جي اوطاق تي پهتاسون. هي ڪا اوطاق ته ڪونه هئي، 1990 ۾ ٺهيل هڪ اسڪول جي عمارت هئي، جهن ۾ هڪ به ماستر ڪونه هو. اسان کي ڪي کٽون ڪڍي ڏنائون، ٻه ٻه بئنچون پاڻ ۾ ملائي اضافي کٽولا ٺاهيا ويا. ايئن اسان کيرٿر جي اولهه ۽ ميهي جبل جي اوڀر واري وسيع پَٽ ۾ کليل آسمان هيٺ ليٽي پياسون. رات چڱي ٿڌي گذري. اسان سوَڙ ۾ ستا هئاسون.