برسات – نين روايتن جا بنياد وجهندڙ ادارو

ڪ سان ملڪي سياست ۽ سماجي معاملن تي بي رحم تنقيد ڪن ٿا. اها ئي برسات جي بنيادي پاليسي آهي. ٻئي حصي ۾ برسات جا اهي پڙهندڙ ۽ سياسي سماجي ڪارڪن آهن جيڪي پنھنجو موقف يا خيال عوام تائين پھچائڻ چاهين ٿا. اهي ڪالم ۽ مضمون ايڊيٽوريل جي ٻن صفحن تي ڇپجن ٿا جيڪو پڻ سنڌي صحافت ۾ اضافو آهي. تحقيقي فيچرز ۽ خاص مسئلن تي روزانو هڪ صفحو جاري ڪرڻ سنڌي صحافت ۾ هڪ نئين ۽ مشڪل روايت آهي، جيڪا پڻ برسات وڌي آهي. هن مهل تائين اهي خاص صفحا بيشمار قومي مسئلن، ملڪي ۽ عالمي صورتحال کان وٺي، ثقافتي، علمي ۽ سائنسي مسئلن جي پوري پوري ڇنڊ ڇاڻ ڪري چڪا آهن. اهي صفحا پنھنجي جاءِ تي سانڍڻ جھڙ ريفرنس دستاويز آهن.

سنڌي صحافت جيڪا اڄ تائين گهڻو تڻو سياست ۽ ڪرائيم جي محور تي گردش ڪندي رهي آهي. پڙهندڙن جو اهو مطالبو پورو ڪري نہ سگهي آهي تہ راندين ۽ ڪامرس جون خبرون بہ ڏي. ايئن ٿو لڳي تہ ڇاڪاڻ تہ سنڌي صحافت جي لشڪر ۾ جيئن تہ اڪثريت انھن صحافين جي آهي. جيڪي سياسي پسمنظر مان آيا آهن تنھنڪري هنن ادب ۽ سياست کان ٻاهر هر شعبي کي ليڪ ڏيئي ڇڏي آهي، ان ڪري ئي اخبارن جون انتظاميائون بہ پنھنجن ڪارڪنن کان راندين ۽ ڪامرس رپورٽنگ ڪرائي نہ سگهيون آهن. ڳالھہ مزاج جي بہ آهي ۽ ان ضرورت تي احساس جي بہ تہ سنڌي ماڻهن کي ڪھڙي شعبي جي ڄاڻ ڏيڻ ضروري آهي.

برسات پنھنجي جنم ڏينھن کان ڪامرس کي اهميت ڏني. شروع ۾ اقتصادي مامرن تي خاص مئگزين ڏنا ۽ پوءِ روزانو ڪامرس صفحو ڏيڻ شروع ڪيو. هن وقت روزانو ٻن صفحن تي مشتمل ڪامرس جا ييلو پيجز جاري ٿي رهيا آهن، جيتوڻيڪ اخبار کي احساس آهي تہ، بقول هڪ پڙهندڙ جي، ”سنڌي ماڻهو ڪامرس جي صفحن کي ايتري اهميت ڏيندا آهن جو انھن کي اجايو سمجهي انھن تي ماني رکي کارائيندا آهن.“ سنڌي اخبار ۾ ييلو پيجز هڪ نئون قدم آهي. انھن صفحن سان اخبار جي بجٽ تي بار برابر پوي ٿو پر ان جا اڳتي هلي سنڌي سماج تي يقينن سٺا اثر پوندا.

”برسات“ جي جنم ڏينھن تي ”برسات“ تي مختصر لفظن ۾ اها راءِ بنا هٻڪ جي ۽ ايمانداريءَ سان ڏيئي سگهجي ٿي تہ برسات اخبار سنڌي صحافت ۾ گهٽ ۾ گهٽ چار اهم روايتون وڌيون آهن.

1-ترقياتي ۽ تحقيقي جرنلزم 2- فري لانس لکندڙن لاءِ اجرتون، 3- ڪامرس صفحا، 4- قومي مسئلن ۽ اهم موضوعن تي روزانو هڪ صفحو جاري ڪرڻ.