ارغون ۽ ترخان دور

ارغون ۽ ترخان دور:

ٺٽي ۾ ارغونن جو دور 927 هه کان 962 هه آهي ۽ ترخاني دور 1062هه کان 1000هه آهي، يعني 38 سال. شاهه حسن ارغون جا پوئين دور ۾، جڏهن هُـو بيمار به ٿي پيو، ارغونن ۽ ترخانن سان اختلاف ٿيا. جنهن ڪري هن هڪ مقامي ماڻهو عربي ڳاهي کي جاءِ نشين مقرر ڪيو. عربي ڳاهو ’تغلق آباد‘ ۾ رهي شاهه حسن جو ڪاروبار هلائيندو هو. پر عربي ڳاهو پهرين محرم 961 هه تي قتل ٿي ويو.

ترخاني دور ۾ جڏهن خان خانان ٺٽي تي چڙهائي ڪئي، تڏهن مرزا جاني بيگ پنهنجي ڪٽنب، اميرن ۽ خزاني کي تغلق آباد ڏانهن منتقل ڪري ڇڏيو ۽ ٺٽي کي ويران ڇڏي تغلق آباد کي مضبوط ڪيو ويو، ”قلعو ايترو مضبوط هو جو ٻن ڪوهن تائين ڪو به ويجهو اچي نٿي سگهيو.“

خان خانان اڌ لشڪر ٺٽي تي ۽ اڌ تغلق آباد تي حملي لاءِ اماڻيو پر جاني بيگ ۽ خان خانان جي وچ ۾ صلح ٿي ويو.

صلح کانپوءِ ٻئي تغلق آباد جو قلعو ڏسڻ ويا، جتان سمنڊ پار ڪري منهوڙي وڃي پهتا، هو پهرين لاهوري بندر ويا ۽ کاريءَ تان ٻيڙيءَ تي چڙهي اڳتي ويا، جتان منهوڙو 20 ڪوهه هيٺ سمنڊ ۾ هو.