0000-00-00
داخلا نمبر 1624
عنوان جنون سازيءَ کان قانون سازيءَ تائين
شاخ سنڌ ڪيس
پڙهيو ويو 9566
داخلا جو حوالو:
هن داخلا جون تصويرون نه مليون
انپوءِ ساڳيو انقلاب ڪٿي ”ايڪسپورٽ“ ڪندا؟ يقينن سندن ايندڙ قدم پاڪستان جي نقشي تي پوندو نظر ٿو اچي. خدا خير ڪري! افغانستان جھڙ ڪي جنگي منظر پاڪستان ۾ هلي چڪا آهن ۽ اهو محسوس ڪندي دير نٿي لڳي تہ پاڪستان طالبان جو ٻيو گهر آهي.
ميان صاحب جو ”اسلامي نظام“ رائج ڪرڻ وارو منصوبو سندس بچاءَ ۾ هڪ سياسي ٿاڦوڙو سهي، اصل معاملو اهو ٿو لڳي تہ هو صاحب پاڪستان جي اصل حاڪمن مان ان حصي کي خوش ڪري رهيو آهي، جن جي ذهن ۾ پاڪستان جو مستقبل افغانستان جھڙو آهي. پاڪستان جي ٻن صوبن ۾ جيڪي افغانستان جي پاڇي ۾ آهن، طالبان اڳ ئي جھڙوڪر سياسي طور انھن تي قابض آهن ۽ هنن پيش قدمي جي هڪ رسمي ڪارروائي مڪمل ڪرڻي آهي، باقي رهيل حصن ۾ اهو ئي ٿيڻو آهي جيڪو افغانستان ۾ ٿيندو رهيو آهي. باقي رهيا سنڌ ۽ پنجاب جا صوبا جن تي اڃا سرحد ۽ بلوچستان (اتريون حصو) جھڙي طالبان ڇاپ ڪو نہ آهي. انھن کي ”مسلمان“ ڪرڻ جي صورت ميان صاحب اجهو اها ڪڍي آهي.
پاڪستان ظاهري طور تي تہ صحيح سلامت ملڪ آهي، پر ان جي اندر ۾ ڪيترا وڍ ۽ حڪومتون آهن؟ اهو الله پاڪ ئي بھتر ڄاڻي ٿو. سوال اهو بہ ناهي تہ اسلامي نظام جي حمايت ڪجي يا نہ ڪجي؟ سوال صرف اهو آهي تہ جڏهن پاڪستان ۾ ”اسلامي نظام“ جي ڳالھہ ڪجي ٿي تہ اها پڻ ڪالاباغ بئراج وانگر بي حد تڪرار جو شڪار ٿئي ٿي. بيشڪ الله، سندس رسول صلي الله عليہ وآله وسلم ۽ قرآن پاڪ تي سڀ عالم سڳورا متفق آهن، سڄو مسئلو سندن تشريح جو آهي. اسلام ۾ 72 يا 73 فرقا ٿي چڪا آهن. ڇا ملڪ ۾ ايتريون ئي تشريحون نافذ ٿي سگهن ٿيون.؟ هڪ فرقي جي مسلمان لاءِ هڪ تشريح، رعايت ۽ قانون جڏهن تہ ٻئي فرقي جي مسلمان لاءِ ٻي تشريح، رعايت ۽ قانون، ٽئين لاءِ ٽئين ۽ اهڙي طرح..... هي تہ ڪنھن وڏي جنگ جو طبل پيو وڄايو وڃي. سوال اهو آهي تہ اهو ڇو ٿو وڄايو وڃي؟ ڇا ڪي قوتون فرقيواريت جي ذريعي پاڪستان کي افغانستان وانگر تباھہ ڪرڻ چاهين ٿيون؟
هن ڪالم جي مهڙ ۾ مون ٽن واقعن جو ذڪر ڪيو آهي، ظاهري طور تي اهي واقعا ڪيترا بہ ”انفرادي“ ڇو نہ لڳندا هجن، اهي سڀ واقعا جنرل ضياءَ الحق کان وٺي، اڄ تائين هڪ عجيب ۽ غريب ۽ خطرناڪ پاليسيءَ ڏانھن اشارو ڪندڙ آهن. جن پاڪستان جي سماج کي شدتن جي چوٽيءَ تي بيھاري ڇڏيو آهي. هاڻي تہ لڳي ٿو تہ افغانستان جي اوڙاھہ کان اٿيل ڪا بہ چڻنگ پاڪستان ۾ وڏو ڌماڪو ڪري سگهي ٿي. پاڪستان ۾ جنون سازي کان قانون سازيءَ تائين گهڻو ڪم ٿي چڪو آهي يا ٿي رهيو آهي.